Þóroddur Bjarnason

Undanfarna áratugi hef ég stýrt rannsóknaverkefnum sem fjármögnuð hafa verið af ýmsum stofnunum og samkeppnissjóðum og birt fjölda bóka, bókarkafla, rannsóknagreina og efni almenns eðlis um byggðamál og byggðaþróun. Ég hef einnig tekið virkan þátt í opinberri stefnumótun á sviði byggðamála og byggðaþróunar á ýmsum vettvangi.

Rannsóknir mínar beinast einkum að drifkröftum byggðaþróunar, þar með talið orsökum og afleiðingum fólksflutninga, búsetuánægju og framtíðarfyrirætlana. Ég hef einnig rannsakað áhrif samgöngubóta á borð við jarðgöng og innanlandsflug á nærsamfélögin og áhrif fjarnáms og staðarnáms á menntunarstig einstakra svæða. Þá hef ég jafnframt tekið þátt í rannsóknum á áhrifum landfræðilegs hreyfanleika á umburðarlyndi einstaklinga, þar með talið kaþólskra lýðveldissinna og sambandssinna úr röðum mótmælenda á Norður-Írlandi. Ég tek nú þátt í undirbúningi rannsóknar á áhrifum gervigreindar og tengdrar tækni á byggðaþróun í Evrópu og Asíu.

Starfsmannasíða við Háskóla Íslands: hi.is/staff/thoroddur

ORCID: 0000-0002-1400-231X